Алматыда жас байкер жол апатынан қаза тапты

Алматыда мотоциклші жол апатынан ажал құшты, деп хабарлайды Sputnik.

Жол апаты Төле би және Абдуллиндер көшелерінің қиылысында болды. Көптеген оқиға куәгерінің сөзі бойынша, Nissan Cefiro Абдуллиндер көшесі бойымен оңтүстік бағытта кетіп бара жатады. Неге екені белгісіз, жүргізуші «Жол бер» белгісіне қарамастан, қиылысқа шығып кеткен, ал ол кезде Төле би көшесімен шығыс бағытта мотоциклші келе жатқан. Байкер тоқтап үлгермей, бар жылдамдығымен көліктің бүйіріне соғылған.

Соққының қатты болғаны сонша, мотоциклдің рөлі 180 градусқа майысып қалған. 1995 жылы туған жас мотоциклші ауыр хәлде ауруханаға жеткізіліп, өкінішке қарай, есін жимастан сол жерде жан тапсырды.