«Азаматтарға арналған үкімет» корпорациясына жаңа басшы тағайындалды

«Азаматтарға арналған үкімет» корпорациясына жаңа басшы тағайындалды. Ұлттық ұйымды енді Абылайхан Оспанов басқарады. Ол өзінің еңбек жолын «Жасыл ел» жасағының республикалық штабында бастаған. Кейін жеке компанияларда жұмыс істепті. 2011 жылы мемлекеттік қызметке араласқан. Ішкі істер министрлігінде, Байланыс және ақпарат министрлігінде лауазымды қызметте болды. Былтыр  «Алматы қаласын дамыту орталығы» басқарма төрағасының орынбасары болып тағайындалған еді. Ал, «Азаматтарға арналған үкімет» корпорациясының бұрынғы басшысы өткен аптада өз еркімен отставкаға кеткен.