«Трибуна» басылымының бас редакторы Жанболат Мамай екі айға қамауға алынды. Бұл туралы Алматы қаласы Медеу аудандық № 2 соты шешім шығарды. Жанболатқа «Заңсыз жолмен табылған ақшаның ізін жасыру» бабы бойынша қылмыстық заңбұзушылық жасады деп айып тағылуда. Тіпті, үш жылдан жеті жылға дейін бас бостандығынан айырылуы мүмкін. Еске салсақ, Жанболат Мамай Қазақстандағы Әблязовтің жаңа сыбайласы деп танылған болатын. Ол БТА Банкінде тоналған қаржының жартысын «Саяси калам: Трибуна» газеті арқылы жымқырып отырған деген айып тағылып отыр.
