Алматыда барахолка базары маңында Солтүстік шеңбер бойында автобус жол апатына ұшырады, деп хабарлады Sputniknews.kz.
Оқиға куәгерлері мен автобус жүргізушісінің айтуынша, қоғамдық көлік Солтүстік шеңбер бойында автобус жолағында кетіп бара жатады. Сол бағытта Toyota Carina E көлігі де келе жатады. Жеңіл көлік жүргізушісі алды-артына қарамастан шалт бұрылады. Автобус жүргізушісі тежегішті басқанына қарамастан, көлікке бір-ақ соғылыпты.
Жол апаты салдарынан автобустың 12 жолаушысы зардап шекті. Әртүрлі жарақат алған олардың жақын маңдағы ауруханаға жеткізді.
Оқиға орнында жол полициясы қызметкерлері жұмыс істеп жатыр. Апаттың мән-жайы анықталмақ.
