Елімізде 3D-принтинг қолжетімді болады

Алматының қоғамдық кеңес мүшелері Елбасының халыққа жолдауын басшылыққа ала отырып, мамандарды даярлаудан бөлек, жоғары технологияларды енгізу мәселесін де ескеру қажеттігін атап өтті. Бірінші басымдық ретінде елбасы экономиканың жеделдетілген технологиялық жаңғыртылуына ерекше мән берді. Жуырда елімізде 3D-принтинг, онлайн-сауда, мобильді банкинг, цифрлық қызмет көрсету секілді қызметтер қолжетімді болады дейді жиынға қатысушылар.

«Мамандарды қалай даярлау керек, оларды оқыту керек па екен игеру үшін? Қазір көп жағдайда сырттан қымбат заттарды алып келеміз, оны пайдаланатын адам жетіспейді, дұрыс пайдаланбайды дегендей.... Ондай болмау үшін қазір елбасының тапсырмасы бүкіл экономиканы жаңарту, жаңа технологияға көшіру. Бұл бір күндік жұмыс емес. Үлкен дайындық керек бұған. Маңызды сұрақтарды қарайын деп отырмыз», - деді Алматы қаласы қоғамдық кеңесінің төрағасы Рахман АЛШАНОВ.