Қазақстанда жанармайдың бағасы қалай өзгерді

Қазақстанда халық көп тұтынатын АИ-92 маркалы жанармай бағасы соңғы бір айда сәл арзандаған. Ал былтырғы жылға қарағанда 12 пайызға қымбаттапты. АИ-92 маркалы жанармай алдыңғы аймен салыстырғанда 1,7 пайызға арзандады. Былтыр оның құны 11,5 пайызға төмен болыпты. АИ-95 пен 96-ншы жанармай бағасы сәуір айында 1,7 пайызға арзандаған. Алайда былтырғы жылмен салыстырғанда аталған марка құны 12,9 пайызға қымбат.  Дизель отынында бағаның төмендеуі мүлдем байқалмайды. Керісінше, жыл санап қымбаттап келеді. Сәуір айында 2,6 пайызға өссе, бір жылда 24,7 пайызға көтеріліпті. Ақпараттар ЭНЕРДЖИПРОМ сайтынан алынды.