Осыған дейін Назарбаев даңғылында тұрған Дмитрий Фурмановтың ескерткіші «Сарыарқа» саябағына көшіріледі, деп хабарлайды tengrinews.kz Алматы қалалық Мәдениет және мұрағаттар басқармасының өкілдеріне сілтеме жасап.
«Дмитрий Фурмановқа арналған ескерткіш Кеңес одағының бұрынғы басшыларына арналған ескерткіштер тұрған «Сарыарқа» саябағына орнатылады», – деді ведомство өкілдері.
Осыған дейін Назарбаев даңғылы (бұрынғы Фурманов - авт.) мен Құрманғазы көшесінің қиылысында Дмитрий Андреевич Фурмановтың құрметіне қойылған ескерткіштің жоғалып кеткені жайлы хабарланған болатын.
Еске сала кетейік, былтыр қараша айында Алматыдағы Фурманов көшесі Назарбаев даңғылы болып өзгертілген еді.
