Шымкентте айыптұраққа қойылған 45 көлік өртеніп кетті

Шымкентте айыптұраққа қойылған 45 автомашина өртеніп кетті, деп хабарлайды otyrar.kz ҚР Ішкі істер министрлігінің баспасөз қызметіне сілтеме жасап.

«15 шілдеде 01.14-те автомобильдерге арналған айып тұрағы аумағында «КамАЗ» көлігі өртеніп, салдарынан жалын маңындағы өзге жеңіл машиналарды және оған жақын орналасқан жиһаз цехын шарпыған. Өрт түнгі 02.13-те ауыздықталып, 03.05-те толықтай сөндірілді», делінген хабарламада. 

Өрт салдарынан 35 автомобиль жанып кеткен. Ешкім зардап шекпеген. Тілсіз жауды ауыздықтауға 76 өрт сөндіру және 17 арнайы өрт сөндіру техникасы жұмылдырылды.