Медеу ауданында 2024 жылы 42,2 км тротуар мен 17 км арық желісі салынады

2024 жылы Алматының Медеу ауданындағы орташа жөндеу жұмыстарының көлемі екі есеге – 51,6 км-ге дейін ұлғаяды, деп хабарлайды Аlmaty.tv. Бұл туралы қала әкімі айтты.

Қала басшысы 60 мың шаршы метрден астам жол төсеміне шұңқырлы жөндеу жүргізіліп, 42,2 шақырым тротуарлар мен 17 шақырым арық желілері салынатынын атап өтті.

- Әкімдік жол-көлік инфрақұрылымын дамытуға ерекше көңіл бөледі. 2023 жылы Медеу ауданында 21,8 км жолға орташа жөндеу жүргізілді, 56 мың шаршы метр жол төсемі ішінара қалпына келтірілді, 29 көшеде 24,5 км тротуар салынды, 20 көшеде 6,6 км жаңа арық желісі іске қосылды, - деп еске салды Ерболат Досаев.

Оқи отырыңыз: Медеу ауданында 2023 жылы 335 млрд теңге инвестиция тартылды