Алматыда жасыл желектерді зиянкестерден өңдеу жұмыстары жүргізіліп жатыр

Алматыда 15 сәуірден бастап жасыл желектерді зиянкестерден биологиялық және химиялық әдістермен өңдеу жұмыстары жүргізіліп жатыр, деп хабарлайды Almaty.tv.

Тұңғыш Президент саябағының аумағында, әл-Фараби даңғылының бойында Розыбакиев көшесінен Назарбаевқа дейін, Алматы қаласы әкімдігі ғимаратының алдындағы скверде (батыс және шығыс жақтары), Южный саябағында, орталық саябақта, 28-ші панфиловшылар саябағында, Қонаев скверінде, Сейфуллин даңғылындағы «Желтоқсандықтар» саябағында, «Маяк»көлінде, Сейфуллин атындағы саябақта, Саин көшесінде, Абай даңғылында, Шаляпин көшесінде, Әуезов ауданы әкімдігінің алдындағы скверде, Момышұлы-Рысқұлов көшесінен бастап, Алғабас шағын ауданында, Сосновый борда, Наурызбай әкімдігінің алдындағы скверде, Әшімов-Шаляпин көшелерінде өңдеу жұмыстары жүрді.

Өңдеу жұмыстарын «ZaraGrant» ЖШС, «Ж. Жиембаев атындағы Қазақ өсімдіктерді қорғау және карантин ғылыми-зерттеу институты» ЖШС, «Professional» ЖШС, «UE-дезинфекция» ЖШС сияқты мердігер ұйымдар жүргізіп жатыр.