Алматыда «Макбет. Иллюзия» қойылымының премьерасы өтті

Ересектерге арналған аталмыш туынды елімізде тұңғыш рет қуыршақтар бейнесінде сахналанды

Алматы мемлекеттік қуыршақ театрында «Макбет. Иллюзия» қойылымының премьерасы өтті, деп хабарлайды Almaty.tv тілшісі.

Ересектерге арналған аталмыш туынды елімізде тұңғыш рет қуыршақтар бейнесінде сахналанды. Адамзатқа ортақ мәселені бір отбасының тағдырымен суреттеген Уильям Шекспир шығармасы психологиялық тартыстарға негізделіп, мистикалық бағытта өрбиді. Премьера 24 ақпанға дейін көрсетілмек.

«Бұл қойылым Шекспир пьесасынан алынып сахналанды. Автор шығармаларының ішінде ең қанды оқиғаға негізделіп жазылған осы пьеса. Себебі бұл шығарманың ішінде көптеген өлім жағдайы болады. Мысалы патшаның өлімі, ең жақын досының қаза табуы секілді шытырманға толы оқиғамен жалғаса береді», – деді қоюшы режиссер Дина Жұмабай.