Арал теңізінің су деңгейі қаншалықты көтерілді

Мамандар Арал теңізіндегі қазіргі су деңгейі 48 см-ге дейін көтерілгенін айтты, деп хабарлайды Almaty.tv тілшісі Zakon.kz-ке сілтеме жасап.

Арал - Сырдария бассейндік инспекциясы басшысының міндетін атқарушы Зейнулла Қазтоғановтың айтуынша, осы уақытқа дейін Солтүстік Арал теңізіне жиналған су көлемі 27,0 млрд текше метрден 18,5 млрд текше метрге азайып, су деңгейі 40,42 мБЖ (метр Балтық жүйесімен) дейін төмендеген болатын.

2022 жылдың қазан айынан бастап бүгінгі теңіздегі су деңгейі 40,90 мБЖ немесе 48 см-ге дейін көтеріліп, жиналған су көлемі 19,7 млрд текше метр болды.

Былтыр жыл көлемінде Аралға 816 млн текше метр су түссе, биыл 2 айдың өзінде 803 млн текше метр жиналды.