Ауыл шаруашылығы вице-министрі Азат Сұлтанов астық экспортына қатысты түсінік берді, деп хабарлайды Аlmaty.tv тілшісі inform.kz-ке сілтеме жасап.
Бүгін Сенат комитетінің кеңейтілген отырысынан кейін тілшілер вице-министрден биыл жиналған астықтың қай бөлігі экспортқа шығарылатынын сұрады.
- Биыл 15,5 млн тонна астық жиналуы мүмкін екенін айтқан едік. Қазір әкімдіктердің мәліметі бойынша 16,5 млн тонна қамбаға түсті. Сондықтан осы астық көлемін ескере отырып, экспортқа 6 млн тонна шамасында өнім шығаруға мүмкіндік болады, – деді Азат Сұлтанов.
Бұдан бұрын хабарланғандай, биыл қазан айының соңындағы мәлімет бойынша Қазақстанда 16 млн тоннаға жуық астық бастырылды.
- Жуырда Ауыл шаруашылығы министрі Айдарбек Сапаров биыл жиналған астық көлемі біршама аз болғандықтан, экспортқа шығарылатын астық көлемі азаятынын айтқан еді. «Яғни 5 млн тоннадан артық болмайды деп ойлаймыз, – деген еді ведомство басшысы.
Оқи отырыңыз: Павлодар облысында жоғалған мал табылды
