Елімізде коронавирус белгілері бар пневмонияның кеше сегіз дерегі тіркелсе, бүгін жағдай айтарлықтай күрделенді. Бір тәулікте 408 адам өкпе қабынуын жұқтырған. Өкінішке қарай 1 науқас көз жұмды. Ал коронавирустан жазылып шыққандар саны 101 мыңнан асты. Нұр-Сұлтан мен Алматы қалаларында 28 мыңға жуық адам дерттен құлан таза айыққан. Шымкентте бұл көрсеткіш - 4 мың 498-ге жетті. Десе де, босаңсуға әлі ерте. Жалпы пандемия басталғалы елде 106 мың 984 адам инфекция жұқтырып, 1 мың 680 отандасымыз індеттің құрбаны болды, деп хабарлайды Almaty.tv.
