Коронавирус індетін жұқтырған тағы 7 адам Нұр-Сұлтан қаласында тіркелді, деп хабарлайды Almaty.tv
Осы сағатта Алматы қаласында – 19 адам, Нұр-Сұлтан қаласы бойынша 25 адам, жалпы 44 науқас.
Қазіргі таңда барлық науқастардың жағдайы қанағаттанарлық. Бас санитарлық дәрігердің қаулысына сәйкес, барлық медициналық мекемелерде карантин енгізілген. Соған сәйкес, ауруханаларға тек сол жерде істейтін медициналық персонал ғана кіре алады. Еліміздің денсаулық сақтау министрі Елжан Біртанов қажетті шаралардың барлығы жасалып жатыр, ем-дом жеткілікті. Сондықтан үрейленудің қажеті жоқ деп керісінше елді сабырлыққа шақырған болатын.
