|
28.03.2020 | 16:01
17502

Алматыда заң бұзған такси жүргізушілері ұсталды

Олар қалаға айналма жолмен жолаушы тасыған

Алматыда заң бұзған такси жүргізушілері ұсталды Фото: polisia.kz

 

Алматыда адамдарды қалаға айналма жолмен тасымалдаған такси жүргізушілері ұсталды, деп хабарлайды Almaty.tv Polisia.kz сайтына сілтеме жасай отырып.

Жеке такси жүргізушілері такси қосымшаларына жарнама берген және адамдарды аймақтан қалаға заңсыз тасымалдаған. Жүргізушілер оңай ақша табу жолында бұзақылыққа барғандарын айтты, өйткені осы күндері жолаушылар тасымалы, олардың айтуынша, бірнеше есе қымбаттады.

«Өз жарнамаларында олар бір адамға бес мың теңге берген жағдайда қалаға алып кіретіндерін және қаладан шығаратындарын жазған. Бұл «бұзақылар» айналма жолды білді және арнайы сызба жасады: олардың біреуі жолаушыларды бір жақтан алып, айналма жолда белгілі бір жерге алып барады, сол жерде, жоспар бойынша, олардың клиенті басқа такси жүргізушісіне дейін сәл жүріп баруы керек, ол такси өз кезегінде жолаушыны мекен-жайына дейін жеткізеді. Мұндай сызба екі жақта да жұмыс жасады. Екі жүргізуші бір-біріне туысқан болып келеді және Алматы облысында тұрады. Айыпталушылардың анықталуы мен ұсталуы Алматы қаласындағы ҰҚК қызметкерлерінің және Полиция департаментінің өзін-өзі қорғау Басқармасының көмегімен жүзеге асырылды», – деді Наурызбай аудандық Полиция басқармасының басшысы Дидар Аханов.

Құқық бұзушыларға қатысты ҚР Әкімшілік құқық бұзушылық туралы кодексінің 476-бабы (төтенше жағдайды бұзу) бойынша хаттамалар жасалды. Жинақталған материалдар айыппұл түрінде немесе әкімшілік қамауға алу туралы шешім шығаратын Алматы қаласының мамандандырылған ауданаралық әкімшілік сотына жіберілді.



Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир