Маймыл шешегін әлемнің 92 елінде 35 мыңнан астам адам жұқтырған. Оның 7,5 мыңы соңғы аптада анықталып отыр. Яғни, бір аптадағы инфекция жұқтыру деңгейі бұған дейінгімен салыстырғанда 20 пайызға көп. Ақпаратты Дүниежүзілік денсаулық сақтау ұйымы растады, деп хабарлайды Almaty.tv.
Бұл ретте аталған аурудан 12 көз жұмды. Ал науқастар көбі Еуропа мен Америка тұрғындары.
«Вируспен күресте вакцина алудың маңызы зор. Өйткені, екпе маймыл шешегін бақылауда ерекше рөл атқара алады. Әрі вирус тіркелген көптеген елде қауымдастық тарапынан вакцинаға сұраныс жоғары болып отыр», – деді ДДСҰ директоры Тедрос Гебрейесус.
