Орал тұрғыны ағаштың бойымен бірдей қарасора өсірген

Орал тұрғыны ағаштың бойымен бірдей қарасора өсірген, табылған өсімдіктер сараптамаға жолданды, деп хабарлайды Almaty.tv.

Полицияның хабарлауынша, 4 тамыз күні Есірткі қылмыстарына қарсы іс-қимыл басқармасының қызметкерлері "Қарасора" жедел профилактикалық іс-шара жүргізу барысында қала жанындағы Коминтерн ауданында 1990 жылы туған тұрғынның үйінің ауласынан 60 түп қара-жасыл түсті, қарасораға ұқсас, өсіріп-баптау іздері бар өсімдіктер табылып, тәркіленді.

Табылған өсімдіктер сараптамаға жолданды.

Айта кету керек, кейбір бұталар ағаштың бойымен биік өскен.

ҚР ҚК 300-бабы 1-бөлігіне сәйкес сотқа дейінгі тергеу жұмыстары басталды.

Оқи отырыңыз: Батыс Қазақстанда 6 жасар бала қоршауға қыстырылып қалды