Қоқыс өңдеу зауытында Өзбекстан азаматтары заңсыз жұмыс істеп келген

Астанада көші-қон қызметкерлері жергілікті рейд жүргізді, деп хабарлайды Almaty.tv тілшісі polisia.kz-ке сілтеме жасап.

Пәтерлер, хостелдер, жатақханалар, құрылыс нысандары, өндірістік аймақтар мен базарлар тексерілді.

Бір күн ішінде елордада елімізде жүріп-тұру тәртібін бұзған 119 шетелдік ұсталды.

Шетелдіктердің интимдік қызмет көрсетуі бойынша 5 факті анықталды.

Қоқыс өңдеу зауытының аумағында заңсыз жұмыс істеп жүрген Өзбекстанның 37 азаматы табылды.

ІІМ көші-қон заңнамасын сақтауға шақырады.

«Сондай-ақ уәкілетті органның тиісті рұқсатынсыз жұмыс берушінің шетелдікті бірнеше рет жұмысқа қабылдағаны және шетелдік жұмыс күшін пайдалану қағидасын бірнеше рет бұзғаны үшін қылмыстық жауапкершілік бар», - деп ескертеді ведомстводан.

Оқи отырыңыз: Жоқ пәтерді жалдаған: 25 азамат алаяққа алданып қалды