|
01.10.2022 | 10:49
6320

Президентке қастандық жасамақ болған адвокат 17 жылға сотталды

25 наурызда елордада ҚР Президентіне және бірқатар жоғары лауазымды мемлекеттік қызметкерлерге қастандық жасауды жоспарлаған шетел барлау агенті, А. атты Қазақстан азаматы ұсталған

Президентке қастандық жасамақ болған адвокат 17 жылға сотталды Пресс-служба Комитета национальной безопасности

Астана қаласының қылмыстық істер жөніндегі мамандандырылған ауданаралық соты А. атты айыпталушыға үкім шығарды, деп хабарлайды Almaty.tv қалалық соттың баспасөз қызметіне сілтеме жасап.

Сот отырысы Қылмыстық-процессуалдық кодекстің 29-бабына сәйкес жабық өтті.

Үкімге сенсек, А. кінәлі деп танылған және оған мынадай жаза тағайындалған:

- мемлекетке сатқындық жасағаны үшін 11 жылға бас бостандығынан айыру

- бір топ адаммен алдын ала сөз байласып, Еуразия экономикалық одағының шекарасынан қару алып өткені үшін 9 жылға бас бостандығынан айыру

- бір топ адаммен алдын ала сөз байласып, атыс қаруын, жарылғыш затты заңсыз сатып алып, тасымалдағаны, сақтағаны үшін 7 жылға соттау

- бір топ адаммен алдын ала сөз байласып, оқ-дәрі, жарылғыш зат дайындағаны үшін 4 жылға бас бостандығынан айыру

- Қазақстан Президентіне өшігіп, оның өміріне қастандық жасауға дайындалғаны үшін 10 жылға соттау

- терроризм актісіне дайындық жасағаны үшін 10 жыл

- құқық қорғау, арнайы меморган қызметкерлері мен әскерилердің өміріне қастандық жасауға бел буғаны үшін 10 жылға бас бостандығынан айыру

- шағын және аса ірі көлемде есірткі сатып алып, сақтағаны үшін 5 жылға соттау.

Қылмыстық кодекстің 58-бабы 4-бөліміне сай оған жалпы жиыны 17 жылға бас бостандығынан айыру жазасы тағайындалды. Ол осы уақытты қауіпсіздігі барынша жоғары түзеу мекемесінде өткізеді.

Үкім заңды күшіне енген жоқ.

Еске сала кетейік, 25 наурызда елордада ҚР Президентіне және бірқатар жоғары лауазымды мемлекеттік қызметкерлерге қастандық жасауды жоспарлаған шетел барлау агенті, А. атты Қазақстан азаматы ұсталған.

Ол бір мезгілде арнаулы және құқық қорғау органдары қызметкерлеріне қатысты террористік актілер жасауды жоспарлаған.

Алдын ала тергеу барысында ҚР азаматы жоғарыда көрсетілген істерді шетел мемлекетінің тапсырмасы және мүддесінде жасағанын мойындады.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Прямой эфир