Ақтөбе облысының Полиция департаменті облыс орталығын дүрліктірген адам өлтіру ісінің ашылғанын мәлімдеді, деп хабарлайды Аlmaty.tv тілшісі Аdyrna.kz-ке сілтеме жасап.
9 маусым күні 55 жастағы әйел көлігін сату үшін көлік базарына шығып, жоғалып кеткен. Әйелдің туыстары полицияға хабарласқан.
- Өтініш бойынша жеке құрам дереу хабардар етіліп, қылмыс белгілерінің болуына байланысты Қылмыстық кодекстің 99 және 192-баптары – кісі өлтірумен байланысты тонау бойынша сотқа дейінгі тергеу амалдары тіркелді, - деп хабарлады облыстық полиция.
Полицейлер күдіктіні кідіріссіз анықтай алды. Оның тұрғылықты жеріндегі гараждан ұрланған көлік табылды. Ол ұсталып, уақытша ұстау изоляторына қамалды.
Тәртіп сақшылары да қала сыртындағы аумақты таразылап, зорлықпен өлім белгілері бар әйелдің денесін тапты.
- Аталған іс бойынша сараптама тағайындалды, тергеу амалдары жүргізілуде, - деп хабарлады Ақтөбе облыстық полиция департаменті.
Тергеу барысы полиция бөлімшесінің бастығының бақылауында.
