Қарағандыда жасырын ірі есірткі арнасының жолы кесілді

Қарағанды облысы бойынша ҰҚК департаменті прокуратураның үйлестіруімен есірткі зертханасы анықталды. Қалада жалға алынған жеке үйде қылмыстыұ топ синтетикалық есірткі өндірумен айналысқан, деп хабарлайды Аlmaty.tv тілшісі polisia.kz-ке сілтеме жасап. Осылайша 24 - 25 қаңтарда жедел қызметкерлер Қазақстан аумағында сату мақсатында есірткіні заңсыз дайындауға күдікті екі азаматты ұстады. Тінту барысында жалпы салмағы 1,5 кг астам 7,5 мың дана психотроптық зат оралған түйін, сондай-ақ оларды дайындайтын құрылғы мен компоненттері алынды.

Қолда бар мәліметтер бойынша, зертхана жаңадан құрылған. Ал ҰҚКД өткізген операция күдікті адамдардың есірткінің ауқымды өндірісін және сатылымын ашу әрекетін болдырмады.

- Қылмыстық кодекстің 297-бабы 3-бөлігі бойынша сотқа дейінгі тергеп-тексеру басталды. Соттың санкциясымен ұсталған тұлғаларға қатысты қамауда ұстау түріндегі бұлтартпау шарасы тағайындалды, - дейді ҰҚК баспасөз қызметі.

ҚР Қылмыстық-процестік Кодексінің 201-бабы 1-бөлігіне сәйкес өзге ақпарат жарияланбайды.

Оқи отырыңыз: ШҚО-да полицейлерге күш қолданған ер адам сотталды