Алматыдағы қарулы қақтығыс: тағы бір күдікті ұсталды

Фото: pixabay.com

Күдікті Полиция департаментінің уақытша ұстау изоляторына қамалды

Алмалы аудандық Полиция басқармасының өкілдері төбелес кезінде қару қолданды деген күдікпен тағы бір жігітті ұстады, деп хабарлайды Polisia.kz.

Күдікті – 1994 жылы туған С.есімді азамат.

«Бұл жігіт қарсыласы – 37 жастағы Ж.есімді ер адамның аяғына пышақ сұққан. Сөйте тұра қылмыс орнынан қашып кеткен. ҚР Қылмыстық іс жүргізу кодексінің 128-бабына сәйкес, күдікті ПД уақытша ұстау изоляторына қамалды. Қазір бұл оқиға ҚР Қылмыстық кодексінің 293-бабы 3-бөлігі бойынша тергеліп жатыр», – дейді Алмалы аудандық Полиция басқармасының бастығы Есен Ысқақов.