|
25.01.2023 | 14:31
1454

Қостанай облысында заңсыз криптовалюта айырбастау пунктері анықталды

Сотқа дейінгі тергеп тексеру жүріп жатыр

Қостанай облысында заңсыз криптовалюта айырбастау пунктері анықталды Иллюстративное фото Almaty.tv

Қостанай облысында заңсыз жұмыс істеген бірнеше криптовалюта айырбастау пунктері анықталды, деп хабарлайды Almaty.tv.

Қаржы мониторингі агенттігінің ақпарына сай, 6 мекенжай бойынша санкцияланған тінту жүргізілген. Нәтижесінде ноутбуктер, моноблоктар, ұялы телефондар, банктік және бухгалтерлік құжаттар табылған. Бұл крипто айырбастау пункттері Астана халықаралық қаржы орталығынан тыс заңсыз жұмыс істеген екен.

«Финанс платформасында 2 криптоәмиянда 6 мың АҚШ доллар көлеміндегі криптоактивтер анықталып, оларға уақытша шектеулер орнатылды. Басқа криптобиржада орналасқан 200 мың доллардан астам криптоактивтер табылды. Сотқа дейінгі тергеп тексеру жүріп жатыр. Өзге де ақпарат жария етілмейді», – деді ҚР Қаржы мониторингі агенттігінің ресми өкілі Әлібек Әбділов.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир