|
05.10.2022 | 14:53
1837

Алаяқ азаматтарға аукционнан арзан көлік алып беруге уәде беріп, алдап кеткен

Ол өзін Ұлттық банктің қызметкері ретінде таныстырып келген

Алаяқ азаматтарға аукционнан арзан көлік алып беруге уәде беріп, алдап кеткен

Алматы полициясы тұрғындарға 6 млн теңге шығын келтірген күдіктіні ұстады,  деп хабарлайды Almaty.tv тілшісі Polisia.kz-ке сілтеме жасап.

 32 жастағы жергілікті тұрғын қылмыс жасауды шешкен. 

"Бірнеше ай бойы өзін ҚР Ұлттық банктің қызметкері ретінде таныстырған К. есімді азамат жәбірленушілерге ауқцион арқылы нарықтан төмен бағада көлік алып беремін деп уәде берген. Ол таныстары арқылы сатып алушыларды тапқан. Алаяқтық дерегі бойынша ҚР ҚК-нің 190-бабы 3-бөлігіне сәйкес сотқа дейінгі тергеу басталды. Азаматтарға келтірілген материалдық шығын көлемі 6 миллионнан астам теңгені құрады. Тергеу барысында ұсталған адамға қатысты қамауға алу түріндегі бұлтартпау шарасы таңдалды", — деді Алмалы аудандық Полиция басқармасының бастығы Есен Ысқақов. 

Жедел-іздестіру шаралары барысында полиция қызметкерлері қылмыстық әрекеттің қосымша эпизодтарын анықтады, бірақ жедел уәкілдер жәбірленушілердің көп болуы мүмкін екендігіне сенімді. Сондықтан тәртіп сақшылары осы адамның қылмыстық әрекетінен зардап шеккен азаматтарды Алмалы аудандық ПБ-ға немесе мына телефон нөмірлеріне хабарласуға шақырады: 8-705-555-77-63; 8-775-747-77-78.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Прямой эфир