«Қызметін асыра пайдаланып, саудагерлерге салық салған». «Алтын орда» базарында заңсыз түрде ақша жинаған құзырлы орган өкілдеріне қатысты сот үкімі шықты, деп хабарлайды Almaty.tv.
Айыпталған 3 учаскелік полиция инспекторы 3 жылға бас бостандығынан айырылды.
Айта кетейік, тәртіп сақшыларының заңсыз әрекеті өткен жылдың соңында ғана белгілі болды. Сыбайлас жемқорлыққа қарсы іс-қимыл агенттігінің Алматы облысындағы департаменті мәлімдегендей, сотталғандар лауазымдық өкілеттілігін теріс пайдаланып, саудагерлерді қылмыстық және әкімшілік жауапкершіліктен алшақтатқаны үшін ақша жинап келген. Салдарынан базар аумағында әлеуметтік шиеленіс туған еді.