Тергеу изоляторынан қашқан ер адамның түр-тұлғасы белгілі болды

Алматыда тергеу изоляторынан қашқан ер адамның бет-әлпеті белгілі болды. Қылмыскер туралы жаңа мәліметтерді қалалық Қылмыстық-атқару жүйесі департаменті  жариялады, деп хабарлайды Almaty.tv.

1987 жылы туылған Дамир Давутовтың бойы шамамен 175-180 см, шашы қара, қыр мұрынды, қоңыр көзді. Басына ақ жолақты қара спорттық қалпақ, қара қысқа күрте мен қара спорттық шалбар киген. Сондай-ақ, сотталушы 7 күн ішінде өз еркімен қайта оралса, түрмеден қашып кеткені үшін ешқандай жазаға тартылмайды деп хабарлайды департамент. 

Айта кетейік, 15 ақпан күні 33 жастағы ер адам тергеу изоляторынан қашып кеткен. Ол ұрлық пен алаяқтық әрекеті үшін алты жылға бас бостандығынан айырылған еді.