Медицина қызметкерлерін балағаттап, тәртіп сақшысына қол жұмсаған

almaty.tv

Оқиға Еңбекшіқазақ ауданының орталық ауруханасының қабылдау бөлімінде болды

Алматы облысында ер адам медицина қызметкерлерін балағаттап, тәртіп сақшысына қол жұмсаған. Оқиға Еңбекшіқазақ ауданының орталық ауруханасының қабылдау бөлімінде болды, деп хабарлайды Almaty.tv.

Түрген ауылының 45 жастағы тұрғыны медицина қызметкерлеріне дөрекі сөйлеп, терезе сындырғаннан кейін, олар полицияны шақыруға мәжбүр болған. Учаскелік инспектор қоғамдық тәртіпті бұзған ер адамды тыныштық сақтауға шақырды. Алайда соңғысы оның өтінішін елемей, еш себепсіз бетінен қойып жіберген. Кейін аулада тағы бірнеше соққы жасап, оқиға орнынан бой тасалаған. Қазіргі таңда күдіктіге қатысты қылмыстық кодекстің «бұзақылық» бабы бойынша қылмыстық іс қозғалып, жедел-іздестіру шаралары жүргізіліп жатыр.