ШҚО-да ерлі-зайыптыны аяусыз өлтірген күдікті ұсталды

Шығыс Қазақстан облысында ерлі-зайыптыны аяусыз өлтірген күдікті ұсталды, деп хабарлайды Almaty.tv.

Оқиға Алтай ауданының Прибрежний ауылында қаңтар айында болған. Жергілікті тұрғындар үйлердің бірінен өрт шыққанын байқап, өрт сөндіру қызметін шақырған. Төтеншеліктер келген кезде отқа оранған үйден денесі пышақталған 83 жастағы әйел мен 74-тегі ер адамның өлі денесі табылыпты.

Қаскөйдің қылмысы 8 айдан кейін әшкере болып отыр. Ұсталған 37 жастағы азаматтың қылмысын жасаған соң үйді әдейі өртегені де анықталды.

Қазіргі уақытта күдікті қамауда, тергеу жұмыстары жалғасып жатыр.