Түркістан облысында кір жуғыш ұнтағын заңсыз шығарған цех әшкере болды

Түркістан облысында белгілі брендтердің атын қолданып кір жуғыш ұнтақтарын заңсыз шығарған цех әшкере болды, деп хабарлайды Almaty.tv.

Полиция дерегінше, бұл іс бойынша күдікті деп танылған 4 адамның бірі - Өзбекстан азаматы. Ал қалғандары - жергілікті тұрғын. Олар түрлі құралдарды пайдаланып, өнімді қолдан жасап келген. Тәртіп сақшылары цех жұмысын тоқтатып, тексеру кезінде оқиға орнынан жалпы салмағы 8 тоннадан асатын кір жуғыш ұнтағы мен өзге де заттай айғақ тәркіледі.

«Бұл жайт ҚР ҚК 222-бабы 1-бөлігі «Тауар белгісін, қызмет көрсету белгісін, фирмалық атауын, географиялық көрсеткішін және тауар шығарылған жердің атауын заңсыз пайдалану» бойынша Түркістан ҚПБ-ға тіркеуге алынды. Полицейлер жинақталған материалдарды шешім қабылдау үшін Түркістан облысы бойынша Экономикалық тергеу департаментіне жолдады», – деді ПД ұйымдасқан қылмысқа қарсы күрес басқармасының бастығы Ғалымбек Тұрысбеков.