Полицейлер сүйген қызының әкесіне оқ атқан күдіктіні әлі іздестіріп жатыр

Алматы облысында бір отбасының отағасына оқ атқан азамат әлі іздестіріліп жатыр, деп хабарлайды Almaty.tv.

Полицейлер қаруланған жігітті төртінші күн қатарынан таба алмай жүр.

 Еске салайық, өткен сенбіде Шалқар ауылында сүйіктісіне келген ер адам оның әкесінің аяғынан атқан еді. Үйге кіре салып, өзге отбасы мүшелеріне де қару кезеген. Абырой болғанда, сүйген қызы тығылып үлгеріпті. Кейін әлгі азамат оқиға орнынан бой тасалаған. Облыстық полиция департаментінің мәліметінше, күдікті Қаскелең қаласының 29 жастағы тұрғыны.