Алматыда із-түссіз кеткен ер адамның сүйегі Өскемен маңынан табылды

Алматыда із-түссіз кеткен 30 жастағы ер адамның сүйегі Өскемен қаласының маңындағы орманнан табылды, деп хабарлайды Almaty.tv.

Ол бір жыл бұрын Райымбек даңғылындағы жұмысынан шығып, содан үшті-күйлі жоғалып кеткен еді. Қазір жергілікті полиция департаменті бұл оқиғаға қатысты іс жүргізіп жатыр. 

"Биыл 19 шілдеде аталған факті бойынша сотқа дейінгі тергеу басталды.Тиісті сараптама жүргізілуде", - деді облыстық ПД бөлім басшысының міндетін атқарушы Татьяна Карпова.