Алматыда «Жас өркен» республикалық балалар сайысының жеңімпаздары марапатталды

Алматыда «Жас өркен» республикалық балалар сайысының жеңімпаздары марапатталды, деп хабарлайды Almaty.tv тілшісі.        

Сайысқа Қазақстанның түкпір-түкпірінен 400-ден астам дарынды жеткіншек қатысып, 30-ға жуығы жүлделі орын иегері атанды. Жарыстың 5 номинациясы бойынша 6 алматылық оқушы жеңіске жетті.  

«Дауыс беру арқылы байқауға қатысқан болатынмын. Қазір қатты қуанып тұрмын. 3 жасымнан бастап мәнерлеп оқуға тәрбиелеген атама рахметімді айтамын. Бүгінде байқауларға қатысып, жүлделі орындар иеленіп жүрмін», – деді «Jas orken» республикалық балалар сыйлығының лауреаты Тоғжан Абай.