Алматыдағы Кемел шағынауданында жыл соңына дейін жаңа емхана ашылады

Алматының Жетісу ауданында жыл соңына дейін амбулатория мен емхана ашылады, деп хабарлайды Аlmaty.tv. 

Жетісу ауданыдағы  Кемел шағынауданы Есім хан көшесі, 127/1 үй мекенжайда ауысымында 200 адам қабылдайтын отбасылық-дәрігерлік амбулатория ашу жоспарлануда. Жетісу ауданының әкімі Гүлнар Көкебаеваның Алматы қаласының өңірлік коммуникациялар қызметінің брифингінде хабарлағанындай, бүгінгі таңда қажетті құрал-жабдықтар сатып алынды, медицина қызметкерлерінің штаты қалыптастырылды, мердігер ұйым ескертулерді жою бойынша жұмыстар жүргізуде.

 - Қолжетімділікті арттыру және халыққа сапалы медициналық көмек көрсету Алматының барлық жергілікті атқарушы органдары үшін басымдық саналады. Сондықтан халықтың жыл сайынғы өсімін ескере отырып, емханалық желіні дамыту бойынша жұмыстар жүргізілуде. Сонымен қатар аудан тұрғындарының медициналық қызметке қадамдық қолжетімділігін қамтамасыз ету үшін аудан әкімдігі Омаров көшесі бойынша 300 келушіге және Нүсіпбеков көшесі бойынша 200 келушіге арналған 3 емхана ғимаратын сатып алды. Сондай-ақ Райымбек даңғылындағы Жұмысшы  кентінде ауысымда 240 келушіге арналған. Омаров пен Нүсіпбеков көшелеріндегі болашақ емханаларда күрделі жөндеуді мердігер ұйым жүргізеді. Ғимараттарды жөндеу осы айда басталады, ал нысандар 2024 жылдың маусым айында ашылады деп жоспарлануда, - деді Жетісу ауданының әкімі Гүлнар Көкебаеваның.

Жұмысшы кентіндегі емханада жөндеу жұмыстары аяқталып, инженерлік желілер қосылды. Бүгінгі таңда жиһаз, кеңсе техникасы, компьютерлер, медициналық жабдықтар сатып алу бойынша мемлекеттік сатып алу рәсімдері жүргізілуде. Осылайша, желтоқсанда Алматы қаласының Жетісу ауданында емхана ашу жоспарлануда.

Оқи отырыңыз: Жетісу ауданындағы жерасты және жерүсті өткелдері жөндеуден өткізіледі