Мегаполистегі қанша денсаулық сақтау нысаны жаңартылады

Алматыда мәслихаттың кезектен тыс XII сессиясы өтуде. Қала әкімі Ерболат Досаев денсаулық сақтау нысандарын модернизациялау, реконструкциялау және  олардың құрылысын аяқтау жоспарлары туралы айтып берді, деп хабарлайды Аlmaty.tv.

- 2024 жылы балаларға шұғыл медициналық көмек орталығының операциялық блогы бар қабылдау бөлімшесінің құрылысы және Қалалық кардиологиялық орталықтың ғимаратын реконструкциялау аяқталады, сондай-ақ жалпы сомасы 2,7 млрд.теңгеге 7 денсаулық сақтау ұйымына күрделі жөндеу жүргізіледі, - деді Ерболат Досаев.

Бұдан басқа ЖСҚ әзірлеу аяқталып, 4 жаңа стационардың құрылысы және 5 қолданыстағы стационарды модернизациялау басталады.

Аудандағы жаңа емхана

Медициналық және технологиялық жабдықтарды, сондай-ақ 49 жаңа жедел медициналық жәрдем автокөлігін сатып алу үшін 15,5 млрд теңге бөлу жоспарлануда. Бұл медициналық жабдықтармен жарақтандыруды нормативтердің 80% дейін жеткізуге мүмкіндік береді.

Әкімнің ақпараты бойынша 2023 жылдың 11 айының қорытындысы бойынша қабылданған шаралар өлім – жітімді 9% және сырқаттануды 10,8%, сәбилердің сырқттануын 43% төмендетуге мүмкіндік берді.

Оқи отырыңыз: Халықтың әлеуметтік осал тобына атаулы көмек көлемі ұлғаяды