Алматының Наурызбай ауданында «Тәуелсіздік» аллеясы ашылды

Алматының Наурызбай ауданында 30 шырша егіліп,  «Тәуелсіздік» аллеясы ашылды, деп хабарлайды Almaty.tv.

Онда қыс мезгіліне бейімделген қылқан жапырақтылар отырғызылды. Басты мақсат – көпшілікке, әсіресе, жастарға Тәуелсіздік тарихын ұғындырып, экологиялық мәселеге назар аударту.

«Мақсат – жұртшылықтың, қоғамның назарын қоршаған ортаның проблемасына назар аудару. Алматы қаласының экологиясына, табиғатты қорғауға, табиғатты сақтауға және аялауға шақыру», – деді Қалалық экология департаментінің басшысы Қонысбек Баеділов.