|
18.08.2022 | 10:21
3170

Наурызбай ауданында 1 қыркүйекке дейін 2 мектеп ашылады

Жыл соңына дейін тағы 2 мектептің құрылысы аяқталады

Наурызбай ауданында 1 қыркүйекке дейін 2 мектеп ашылады иллюстративное фото, pricom.kz

Бұл туралы қала әкімі Ерболат Досаев аудан тұрғындарымен кездесуінде мәлімдеді, деп хабарлайды Almaty.tv.

Қала әкімі жаңа оқу жылы басталғанша Қалқаман және Қарғалы шағынаудандарында 2400 орындық 2 мектеп ашылатынын айтты. 

"Жыл соңына дейін тағы 2 мектептің құрылысы аяқталады. Олар «Алма сити - 5» аумағындағы 1 200 орындық (90%, қазанда аяқталады) және Қалқаман шағын ауданы, Абай даңғылындағы 1 500 орындық (75%) мектептер. Сонымен қатар, Шұғыла шағынауданындағы «Әлем сити», «Алма сити - 4» тұрғын үй кешендерінің аумағында Qazaq Stroy 1 200 орындық 2 мектептің құрылысын салып жатыр. Келесі жылы 3-тоқсанда пайдалануға беріледі", - деді Ерболат Досаев.

Сондай-ақ, Құрамыс шағынауданындағы 1 200 орындық, Шұғыла шағынауданындағы 1 600 орындық 2 мектептің жобалау-сметалық құжаттамасын әзірлеуге конкурс жариялау үшін құжаттар дайындалып жатыр. Құрылыс 2023 жылдың 2-ші тоқсанына жоспарланған.

"Шұғыла шағынауданындағы №174 мектепке 375 орындық қосымша құрылыс салу үшін жобалау-сметалық құжаттама әзірленіп жатыр. Бұл жұмысты алдымыздағы желтоқсан айына дейін аяқтау жоспарланып отыр. Құрылыс-монтаждау жұмыстарын келесі жылы 2-тоқсанда бастаймыз", - деп толықтырды қала әкімі.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Прямой эфир