ҚР Ұлттық ядролық орталығының бас директоры Эрлан Батырбеков Қазақстанда атом электр станциясы салынған жағдайда Балқаш көліне теріс әсер етпейтінін мәлімдеді, деп хабарлайды Аlmaty.tv.
Ол сондай-ақ атом электр станцияларының қауіпсіздігі мәселелерін қозғады. Оның айтуынша, 1950-1960 жылдары салынған алғашқы атом электр станцияларында қауіпсіздік жүйесі нашар болған.
- Бұл реакторлардың негізгі міндеті - атом энергиясын электр энергиясына айналдырудың негізгі мүмкіндігін көрсету. Екінші буын , яғни 1970-1980 жылдарда салынған станциялардың қауіпсіздік жүйесінің деңгейі төмен. Бірқатар апаттан кейін ғалымдар атом электр станциясының қауіпсіздігін қамтамасыз етуге назар аударды. Осылайша, үшінші буын реакторлары пайда болды, онда алдыңғыларда болған қателіктер ескеріліп отыр, — деп атап өтті Эрлан Батырбеков.
Ол төртінші буын реакторлары тұйық отын циклін шешіп, энергетикалық базаны кеңейтіп, мүлдем қауіпсіз болуы керек деп қосты.
Оқи отырыңыз: Алматыда өткен қоғамдық тыңдауларда атом электр станциясын салудың экологиялық артықшылықтары айтылды
