«Алатау» еркін экономикалық аймағында орналасқан компания мұнай саласы үшін геологтарды дайындайды

«Алатау» еркін экономикалық аймағында жұмыс істейтін «Алстронтелеком» ЖШС геологиялық-гидродинамикалық модельдеу, мұнай-газ кен орындарын игеру мониторингі және толық ауқымды геологиялық-гидродинамикалық модельдерді сараптау саласында өз бағдарламалық өнімдерімен мамандарды оқытуды жоспарлап отыр, деп хабарлайды Almaty.tv. 

Компанияда мұндай шешімге Қазақстанның мұнай саласының әлеуетін, сондай-ақ шетелдік бағдарламалық өнімдердің импорты байқалатын IT индустрияларды зерделегеннен кейін келді.

«Алстронтелеком» компаниясында геологиялық-гидродинамикалық модельдерді, кен орнының карталарын жасауға, кен орнының деректер базасымен жұмыс жүргізуге және т.б. мүмкіндік беретін «Жұлдыз» бағдарламалық өнімдерінің желісі әзірленді, осы бағдарламалық қамтамасыз ету негізінде тапсырыс беруші қаттар мен ұңғымалардың жай-күйін тиімді бақылай алады, деректерді талдай алады, болжамдар жасай алады. Бүгінгі таңда «Жұлдыз» Қазақстан Республикасының мұнай өндіруші компаниялары мен ғылыми-зерттеу институттарында қолданылады, жақсы пікірлері бар.

«Біздің мақсатымыз мұнай өндіруші компанияларға, сондай-ақ қазақстандық жоғары оқу орындарының мұнай және газ саласындағы мамандарды даярлау бойынша оқу бағдарламаларына бағдарламалық өнімді кеңінен енгізу. Мысалы, шетелде студенттерді мақсатты түрде өздерінің бағдарламалық өнімдерінде оқытады, сол арқылы олардың қажеттілігін арттырады. Біз болашақта осындай қызмет көрсету деңгейіне шыққымыз келеді»,– дейді «Алстронтелеком» ЖШС талдама бөлімінің басшысы Жастай Әлжахан.

Компанияның соңғы қызметтерінің бірі – жер қабаттарының мұнай беруін арттыру үшін полимерлік су тасқынының технологиясын қолдану. Кен орнының үлкен өнімінің жағдайында, бұл түйткілді мәселе, бүгінде Қазақстан үшін де, барлық ел үшін де өзекті.

«Бірқатар кен орындарында біз полимерді – химиялық реагентті жүктейміз, ол суды алмастырады және сонымен мұнайды көбейтуді арттырады. Осылайша, химияның көмегімен біз тыңайған жерлердегі алуы қиын жерлерден мұнай қалдықтарын шығара аламыз. Бұл әдістің тиімділігі тәжірибелік-өнеркәсіптік сынақтардың көптеген нәтижелерімен расталған», – деп қоса айтты Жастай Әлжахан.

«Алстронтелеком» ЖШС «Алатау» ИТП арнайы экономикалық аймағында 2006 жылы тіркелді. Қазір онда 30-дан астам адам жұмыс істейді.