|
23.05.2019 | 11:12
5376

«Жол, ескі үйлер және балабақша»: Алмалы ауданы тұрғындарын жиі мазалайтын проблемалар белгілі болды

На вопросы алматинцев ответит аким Алмалинского района Беккали Торгаев

«Жол, ескі үйлер және балабақша»:  Алмалы ауданы тұрғындарын жиі мазалайтын проблемалар белгілі болды фото vse.kz

Бүгін «Алматы» телеарнасындағы «Әкіммен ашық әңгіме» жобасына Алматы қаласы Алмалы ауданы әкімі Бекқали Торғаев қонаққа келеді. Әкім тікелей эфир арқылы тұрғындардың сауалына жауап береді. Телебағдарлама кешкі сағат 19.30-да басталады.

Айта кетейік, тұрғындар аудан әкіміне қоятын сауалдарын бір аптадан бері телеарнамыздың ресми сайтына жолдап жатыр. Оқырмандар бүгінде сұрақтарға дауыс беруде. Ең көп дауыс жинаған 5 сауал тікелей эфир кезінде әкімге қойылады. Қалғандарына жазбаша жауап берілмек.

Бүгінге дейін келіп түскен 30-ға жуық сауалдан байқағанымыз, Бостандық ауданының тұрғындарын негізінен жол мен тұрғын үй-коммуналды шаруашылығы және көшелерді жарықтандыру, ескі үйлер жөндеу секілді мәселелер мазалайды екен.

Десе де, келіп түскен сұрақтардың ішінде ең көп дауысқа ие болғаны – аудандағы Жумабеков атты тұрғынның сауалы. Оны Қарасай батыр көшесі мен Назарбаев даңғылына өтетін жолда жолаушылар жолағының жоқтығын айтып шағымданған. Әзірге бұл сұрақ 190-нан астам дауыс жинап, көш бастап тұр. Сонымен қатар, Манас-Жамбыл-Шевченко-Байзаков көшесінің тұрғындары 65 жыл бұрын соғылған ескі үйдің тозығы жеткенін айтқан. Бұл сауал 134 дауыс жинап, екінші орынға жайғасқан.

Аталған сұрақтарға бүгін кешкі сағат 19:30-да «Алматы» телеарнасының тікелей эфирінде Алмалы ауданы әкімі Бекқали Торғаев өзі жауап береді.

Айта кеткен жөн, әкімге сауалды 23 мамыр сағат 15:00-ге дейін жолдауға болады. Үлгермеген жағдайда тікелей эфир кезінде +7 (727) 334 00 24 байланыс нөміріне қоңырау шалып немесе WhatsApp мессенджеріне (+7 777 046-33-33) хабарлама жібере аласыздар.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Janalyqtar tizbegi

След. →
Прямой эфир