WhatsApp-та жаңа функция пайда болады

Жаңа функция келген хабарламаның жалған немесе жалған емес екенін анықтауға көмектеседі

WhatsApp мессенджері жалған хабарлама таратушылармен күресу мақсатында жаңа функция енгізеді, деп жазады tengrinews.kz

Басылымның мәліметінше, бұл функция мессенджерге жолданған суреттерді Google-дан іздеуге мүмкіндік береді. Бірақ, мессенджер өкілдерінің айтуынша, бұл функция әзірше ресми түрде енгізілген жоқ.

Сурет Google жүйесіне жүктелген соң жаңа функцияның арнайы браузерден іздеу нәтижесін көрсететіні айтылады.

WhatsApp өкілдерінің сөзіне сүйенсек, бұл функция қолданушыларға өте пайдалы болады. Жаңа функция келген хабарламаның жалған немесе жалған емес екенін анықтауға көмектеседі.