Белгілі кинооператор және режиссер Игорь Вовнянко өмірден озды

ҚР Еңбек сіңірген өнер қайраткері, белгілі қазақстандық кинооператор, фотограф, режиссер Игорь Вовнянко 80 жасқа қараған шағында өмірден озды. Бұл туралы ҚР Ақпарат және қоғамдық даму министрі Аида Балаева өзінің Facebook-парақшасында жазды, деп хабарлайды Almaty.tv.

«Бүгін, 80-ге қараған шағында танымал қазақстандық кинооператор, режиссер, Қазақстан кинематографистері Одағының басшысы Игорь Вовнянко қайтыс болды.  Игорь Александрович Вовнянконың есімі отандық киноиндустрия саласының дамуына өлшеусіз еңбек сіңірген нағыз кәсіби маман ретінде мәңгілік есте сақталады. Марқұмның отбасы мен жақындарының қайғыларына ортақтасып көңіл айтамын», – делінген хабарламада.