Жаңа құрылған 3 облыстың көлік нөмірінің өңірлік коды белгілі болды

Жаңадан құрылған үш облыста берілетін автокөліктің аймақтық нөмірлері жарияланды, деп хабарлайды Almaty.tv тілшісі ҚазАқпаратқа сілтеме жасап.

• Абай облысы – 18
• Жетісу облысы – 19
• Ұлытау облысы - 20

Көлік нөміріндегі өңірлік кодтар қазақ тілінің әліпби тәртібімен беріледі. 

«Осыған байланысты жаңадан пайда болған үш облысқа автокөліктің өңірлік коды мынадай тәртіппен беру ұсынылады: Абай облысы - 18, Жетісу облысы - 19,Ұлытау облысы - 20»,- деп хабарлады ІІМ баспасөз қызметі.

Министрлік ақпаратына қарағанда, жаңа аймақтарда көліктің нөмір кодтарын енгізу барысында көлік құралдарындағы бұрынғы мемлекеттік нөмірлерді ауыстыру талап етілмейді.