Түзеу мекемесінің бұрынғы басшылары сотталды

Жеке кәсіпкерден пара алған Жамбыл облысы бойынша ҚАЖ ЖД-158/7 түзеу мекемесінің басшысы мен орынбасары сотталды, деп хабарлайды ҚР МҚІСЖҚА баспасөз қызметі.

«ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің мәліметінше, 31 мамыр күні Тараз қалалық №2 сотының үкімімен мекеме басшысына пара алды деген айып тағылған. Сот үкіміне сәйкес, ол өмір бойына мемлекеттік қызмет атқару құқығынан және 7 жыл 6 ай бас бостандығынан айыру жазасына кесілді», – делінген хабарламада.

Сонымен қатар, әділет подполковнигі атағынан да айырылды. Ал орынбасары әділет подполковнигі атағынан, өмір бойы мемлекеттік лауазымды қызмет атқару құқығынан айырылып, жазасын 7 жыл абақтыда өтейтін болады.