AlmatyTV қызметкерлері "Ақпарат саласының үздігі" төсбелгісімен марапатталды

Бүгін «Алматы» телеарнасының екі қызметкері "Ақпарат саласының үздігі" төсбелгісімен марапатталды, деп хабарлайды Almaty.tv тілшісі.

Қазақстан Республикасының Ақпарат және қоғамдық даму министрлігінің марапатын «Алматы» телеарнасының бас директоры Тимур Базарбаев табыстады.

Төсбелгі телеоператор Диаскен Байтибаев пен оператор Арсен Сандыбаевқа берілді.

Еске сала кетейік, «Қаңтар оқиғасы» кезінде қарулы қақтығыс салдарынан арнамыздың көлік жүргізушісі Мұратхан Базарбаев оқиға орнында қаза тапқан болатын. Сонымен қатар телеоператоры Диаскен Байтибаевтың қолына оқ тиіп, жараланды. Ал оқыс оқиға кезінде табандылық танытып, әріптестерін дер кезінде ауруханаға оператор Арсен Сандыбаев жеткізген еді.