|
22.02.2019 | 15:06
2216

Қызылордада үш бірдей баласы уланып қайтыс болған отбасыға үй берілді

Үш баланың анасына 2 бөлмелі пәтер берілді

 Қызылордада үш бірдей баласы уланып қайтыс болған отбасыға үй берілді inform.kz

Қызылорда облысының әкімі Қырымбек Көшербаев Ақсуат ауылдық округінің тұрғыны Жәмилә Садуоваға жаңа пәтердің кілтін табыстады, деп хабарлайды облыс әкімінің баспасөз қызметі.

«Жабырқағанның жанынан табылу, шарасызға көмек қолын созу, қайырымдылық жасау - халқымыздың қанына біткен асыл қасиеттердің бірі. Өздеріңіз білесіздер, осыдан бірер ай бұрын, үш бірдей бүлдіршінімізден қапияда көз жазып қалдық. Бұл қайғылы жағдай тек бір отбасының ғана емес, тұтас елдің қабырғасын қайыстырып, еңсемізді түсірді. Бірақ, Алланың ісіне амал бар ма?! Халқымызда «Қайғыны бөліссең азаяды» деген сөз бар. Олай болса, сол үш бүлдіршініміздің анасы Жәмилә Сәдуова қарындасымызға Сырдария өзенінің сол жағалауындағы жаңа қаладан 2 бөлмелі пәтердің кілтін табыстағалы отырмыз», - деді  әкімі Қырымбек Көшербаев. 

Еске сала кетейік, ағымдағы жылдың 10 қаңтарында Қызылорда қаласы Махмұтов көшесіндегі жеке үйден өрт шығып, 2011, 2012 және 2014 жылы дүниеге келген үш бала иіс тиіп қаза тапқан болатын.  


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир