Нұр-Сұлтанда дөңгелек ұрлаумен айналысқан топ ұсталды

Нұр-Сұлтанда көлік дөңгелектерін ұрлаумен айналысқандар ұсталды, - деп хабарлайды Tengrinews.kz полиция департаментінің баспасөз қызметіне сілтеме жасап. Полициядағылардың мәліметінше, олар «Алматы» мен  «Байқоңыр» аудандарында көлік дөңгелектерін ұрлап жүрген. 

«Жедел-іздестіру шаралары барысында жергілікті бес тұрғын ұсталды. Олар күндіз алдын ала көліктерде дабылдың бар-жоғын тексеріп, түнде ұрлап әкетіп отырған», - деп хабарлады полициядағылар.

Сондай-ақ, ведомство мәліметінше, қолды болған заттардың барлығы тәркіленді. Осы деректер бойынша сотқа дейінгі тергеу жұмыстары жүріп жатыр.