42 500 теңге көлемінде жәрдемақы алатындарға арнайы арнайы сайт іске қосылады

Еңбек және халықты әлеуметтік қорғау министрі Біржан Нұрымбетов 42 500 теңге көлемінде жәрдемақыны алу үшін арнайы сайт ашылатынын айтты, деп хабарлайды Tengrinews.kz.

"42 500 теңге үшін ертең сайт ашамыз. Онда азаматтар өтініш жасап, мәліметтерін енгізеді. Оны электронды цифрлы қолтаңбамен (ЭЦП) емес, смс арқылы пароль алып, қолын қояды. Компьютері жоқ адамдарға тоқталайын. Ол үшін біз таңертең телеграмм ботты іске қосамыз. "Телеграмм" деген қосымша бар. Оған өзіңіздің ЖСН (ИИН), есеп шотыңыз сынды мәлеметті енгізесіздер. Смс арқылы өз қолтаңбаңызды растайсыз", - деді министр орталық коммуникациялар қызметінде өткен брифингте.