ШҚО-да жоғылып кеткен бала көпір маңындағы шұңқырдан табылды

Өскемен қаласында із-түзсіз жоғалып кеткен бала табылды, деп хабарлайды Almaty.tv.

«Іздестіру шаралары барысында 12 жастағы бала ТМК көпірінің маңындағы шұңқырдан табылды. Қазір оған медициналық көмек көрсетіліп жатыр. Содан кейін ол ата-анасына беріледі», - деді ШҚО Полиция департаментінің баспасөз қызметінен.

Естеріңізге сала кетсек, аутизмге шалдыққан Темірлан Ахмеджанов 14 тамызда түнгі сағат 02:30 шамасында үйден белгісіз бағытта шығып кеткен. Оны іздеуге полиция қызметкерлері, құтқарушылар, кинологтар, ҚР Ұлттық ұланы сарбаздары мен волонтерлер жұмылдырылған болатын.

Баланы қалай құтқарғанын мына сілтемеден көре аласыздар. 

Дерккөз: ШҚО Полиция департаментінің баспасөз қызметі.