Өңірлік коммуникациялар қызметінің көшпелі баспасөз конференциясы барысында Алматы қаласы бойынша Тауарлар мен қызметтердің сапасы мен қауіпсіздігін бақылау департаментінің басшысы, қаланың бас мемлекеттік санитар дәрігері Жандарбек Бекшин вакцинация ережелерін түсіндіріп, тұрғындарға спецификалық емес алдын алу шараларын сақтаудың маңыздылығын еске салды, деп хабарлайды Almaty.tv.
Қаланың эпидемиологиялық қызметінің болжамы бойынша ағымдағы жылдың қараша айының соңынан бастап ЖРВИ мен тұмаумен ауыру 2021 жылдың ақпан-наурыз айларында ең жоғарғы шегіне жетеді деп болжануда. Осыған байланысты қала әкімшілігі инфекцияның бірдей берілу жолдарын ескере отырып, санитарлық-эпидемиологиялық талаптарды сақтаудың маңыздылығын еске салады.
«Аурудың өршу кезеңінде аурудың қала арасында таралмауы үшін біз спецификалық емес алдын алу шараларын қолдануды ұсынамыз. Вакцинация – бұл нақты алдын-алу шарасы. Спецификалық емес профилактикаға қатысты бірқатар шаралар адамдар көп жиналатын орындарға барудан бас тарту, маска пайдалану, вирусқа қарсы жақпа қолдану болып табылады», – деді Жандарбек Бекшин.
Ол сонымен қатар адамдардың өзін-өзі емдеумен айналыспауын сұрады. Өйткені бұл пневмония сияқты аурудың асқынуының себептерінің бірі.
Аурудың көтерілуі кезінде қала тұрғындарына:
– ЖРВИ-мен ауыратын науқастан өзін алшақ ұстауға, егер науқастан өзін алшақ ұстау мүмкін болмаған жағдайда, маска тағып, оксолин жақпамайын жағу қажет;
– ауырған жағдайда үйде болу керек, өзін-өзі емдемей, медицина қызметкерін шақыру керек, отбасы мүшелерін сақтау үшін маска тағып, дәрігердің нұсқауы бойынша ем алу керек;
– түшкіру және жөтел кезінде аузыңызды қолмен, майлықпен, орамалмен және КВИ ауруы кезіндегідей шынтақпен бүркемелеу керек, сонымен қатар қолыңызды жиі жуыңыз;
– иммунитетті арттыру: дәрігердің ұсынысы бойынша С дәрумені және басқа да дәрумендер мен минералды кешендері бар байытылған тағамдарды, жемістер мен көкөністерді жеу;
– қашықтықты сақтау, бұқаралық іс-шараларға қатысуды қысқарту, әсіресе ЖРВИ, тұмау ауруының өршуі кезеңінде, үй, ғимарат, кеңсе ішін ылғалды тазалау жұмыстарын жүргізіп, желдету керек;
Осы қарапайым ережелерді сақтау арқылы тыныс алу жолдары ауруларын болдырмауға көмектеседі. Айта кету керек, алдағы эпидемиологиялық маусымның қауіпі КВИ ауруының қабаттасуына байланысты.
